Starvsfólk til Frítíðarskúlan á Argjahamri

15. november 2019


Sjóðar tú av orku og eldhuga at geva børnunum spennandi upplivingar og kveikja forvitni og áræði teirra, og vilt geva børnum ein innihaldsríkan gerandisdag við mennandi royndum og styrkja spælihug og sosialar førleikar, so er at smekka eina umsókn av stað og søkja starvið sum námsfrøðingur.

Tórshavnar kommuna søkir vegna Frítíðarskúlan á Argjahamri eftir fólki við námsfrøðiligari ella aðrari viðkomandi útbúgving.

Søkt verður eftir:

  • 1 starvsfólki at arbeiða 30 tímar um vikuna

Starvið er til setan 1. januar 2020 ella eftir nærri avtalu.

 

Um eingin skikkað fakfólk søkja, kann hjálparfólk setast í tíðaravmarkað starv.

 

Okkum tørvar starvsfólk sum:

  • vilja samstarva og arbeiða eftir okkara námsætlan og virðum
  • vilja menna tað námsfrøðiliga arbeiðið og hugsanina, og vilja virka fyri einum fakligum umhvørvi
  • kunnu virka í góðum samstarvi við starvsfelagar, børn og foreldur
  • hava hug at skapa ein fjølbroyttan og tryggan gerandisdag, við virðing og umsorgan fyri tí einstaka barninum, foreldrunum og starvsfeløgunum
  • taka ábyrgd og hava yvirlit, eru sjálvstøðug og kunnu taka avgerðir
  • eru íverksetandi og aktivt luttakandi saman við børnunum í teimum ymisku tiltøkunum/fyriskipanum

 

Vit bjóða:

  • at tú kemur at vera partur av einum toymi, sum hevur námsfrøðiliga ábyrgd og leiðslu
  • námsfrøðiliga sparring í námstoymi
  • eitt fakligt arbeiðis umhvørvið, har námsfrøðilig kjak og refleksjónir eru partar av arbeiðis mentanini
  • góðar arbeiðis karmar, sum stuðla væl upp undir ymisk frítíðar námsfrøði og námsfrøði í síni heild
  • eitt arbeiði í skiftandi vaktum
  • fyrireikingartíð

Setanarviðurskifti

Starvið verður sett sambært sáttmála millum Føroya Pedagogfelag og Kommunala Arbeiðsgevara Føroya.

 

Meira fæst at vita

Um okkum og størvini við at venda sær til Ann Hansen, stovnsleiðara, á telefon 282850 og við at hyggja inn á heimasíðuna www.argjahamri.fo.

 

Umsókn

Saman við upplýsingum um útbúgving, viðmælum og royndum, verður at senda til torshavn@torshavn.fo ella til Tórshavnar kommunu, postboks 32, 110 Tórshavn í seinasta lagi 2. desember 2019 kl. 12.00.