sunnudagur, 14. mars 2021
Í mars mánaða, hava vit gjøgnum skjótt fleiri ár havt eina vælveruviku og onki undantak í ár. Vælvervika verður í komandi viku.
Tað eru børnini í triðja flokki, sum standa fyri vælveruvikuni, tað verða tey sum koma at "starvast" saman við vaksnum, á teimu ymisku vælverustøðunum sum verða í húsinum.
Á myndini omanfyri síggja tit kø´ina, tá børnini í triðja flokki, skuldi velja seg inn á tað vælverustovuna tey ynsktu at skipa fyri.
Millum annað ber tað til hjá børnunum í 0´ 1. og 2. fl at fara til manicure, pedicure, andlitsviðgerð, sansaløtu, massagu, eisini verður ein hárfríðkanarstova. Eisini fara tey at hava ein peningarstovn. Í peningastovninum skalt tú gera tær eitt kort, sum tú skalt brúka gjøgnum dagarnar tá tú fert í vælveru. Korti skal hava eina kodu, fýra tøl ;)
Ongin vælverumiðstøð uttan vælverucafé. Í vælverucaféini ber til at "keypa" sær ein kopp av sunnum the og okkurt sunt afturvið.
So tað verður hesa vikuna at børnini koma heim við littum neglum, krúllum og gelé í hárinum v.m. jú og reinum bibbum ;)
Øll kunning og dokumentatión av vikuni verður at síggja á vegginum í Miðrúm.
Børnini eru spent og vit gleða okkum :)